ନୂଆଦିଲ୍ଲୀ-ପୃଥିବୀକୁ ବିଦାୟ ଦେଇ ‘ଆଦିତ୍ୟ- ଏଲ୧’ ବର୍ତ୍ତମାନ ଏକ ଦୀର୍ଘ
ଯାତ୍ରା ଆରମ୍ଭ କରିଛି । ପ୍ରାୟ ୧୧୦ ଦିନର ଯାତ୍ରା ପରେ,
ମହାକାଶଯାନ ଏଲ୧ ପଏଣ୍ଟର କକ୍ଷପଥରେ ପ୍ରବେଶ କରିବ ।
ଭାରତୀୟ ମହାକାଶ ଗବେଷଣା ସଂଗଠନ (ଓଝଜଙ) ବିଳମ୍ବିତ
ରାତିରେ ଆଦିତ୍ୟ-ଏଲ୧ ମିଶନକୁ ନେଇ ଏହି ଅପଡେଟ ଦେଇଛି
। ଇସ୍ରୋ କହିଛି ଯେ ଟ୍ରାନ୍ସ-ଲାଗ୍ରାଙ୍ଗିଆନ୍ ପଏଣ୍ଟ ୧ଇନ୍ସର୍ସନ୍ ସମାପ୍ତ
ହୋଇଛି । ମହାକାଶଯାନ ବର୍ତ୍ତମାନ ଯେଉଁ ପଥରେ ଅଛି ତାହା
ଏହାକୁ ସୂର୍ଯ୍ୟ-ପୃଥିବୀ ଏଲ୧ ପଏଣ୍ଟକୁ ନେଇଯିବ । ପୃଥିବୀର
କକ୍ଷପଥରୁ ଏକ ମହାକାଶଯାନ ପଠାଇବାରେ ଏହା ଇସ୍ରୋର କ୍ରମାଗତ
ପଞ୍ଚମ ସଫଳତା । ସୂର୍ଯ୍ୟ ମିଶନ ପୂର୍ବରୁ, ଇସ୍ରୋ ସଫଳତାର ସହିତ
ଚନ୍ଦ୍ରାୟନ -୩ ପଠାଇ ଚନ୍ଦ୍ରର ଦକ୍ଷିଣ ମେରୁରେ ଅବତରଣ କରିଥିଲା ।
ଇସ୍ରୋ ଅନୁଯାୟୀ ଆଦିତ୍ୟ- ଏଲ୧ ପ୍ରାୟ ୧୧୦ ଦିନ ମଧ୍ୟରେ
ଏଲ୧ ପଏଣ୍ଟରେ ପହଞ୍ଚିବ । ଏକ ସ୍ୱତନ୍ତ୍ର ମେନୁଭର୍ ମାଧ୍ୟମରେ
ଏହା ଏଲ୧ ର କକ୍ଷପଥରେ ପ୍ରବେଶ କରିବ । ଉଲ୍ଲେଖ ଥାଉ କି
ଏହାପୂର୍ବରୁ ଭାରତର ଆଦିତ୍ୟ-ଏଲ୍୧ ସେର ମିସନ ମହାକାଶଯାନ
ତଥ୍ୟ ସଂଗ୍ରହ ଆରମ୍ଭ କରିଥିଲା । ଏହା ବୈଜ୍ଞାନିକମାନଙ୍କୁ ପୃଥିବୀ
ଚାରିପାଖରେ ଥିବା କଣିକାର ଆଚରଣ ବିଶ୍ଳେଷଣ କରିବାରେ
ସାହାଯ୍ୟ କରିବ ବୋଲି ଇସ୍ରୋ ସୋମବାର କହିଥିଲା ।