ନୂଆଦିଲ୍ଲୀ : ପଳାତକ ଅଣ୍ଡରୱାର୍ଲ୍ଡ ଡନ୍ ଦାଉଦ ଇବ୍ରାହିମଙ୍କୁ ନେଇ ବଡ଼ ଖୁଲାସା । ସୁରକ୍ଷା ଏଜେନ୍ସୀ ଏନଆଇଏକୁ ଏଭଳି ସୂଚନା ଦେଇଛି ଦାଉଦ ଇବ୍ରାହିମ୍ର ଭଣଜା ଅଲୀଶାହ ଇବ୍ରାହିମ ପାରକର । ଅଲିଶାହ ନିଜ ବୟାନରେ ଦାଉଦକୁ ନେଇ ଅନେକ ବଡ଼ କଥା ମଧ୍ୟ କହିଛି । ଅଲୀଶାହ କହିଛି ଯେ ଅଣ୍ଡରୱାର୍ଲ୍ଡ ଡନ୍ ଦାଉଦ ଇବ୍ରାହିମ୍ ଦ୍ୱିତୀୟ ବିବାହ କରିଛି । ସେ ନିଜ ପ୍ରଥମ ପତ୍ନୀକୁ ତଲାଖକ ଦେଇ ଦ୍ୱିତୀୟ ଥର ବିବାହ କରିଛି । ଅବଶ୍ୟ ମହିଳାଙ୍କ ବିଷୟରେ ଖୁଲାସା ହୋଇନାହିଁ । ଦାଉଦ ଇବ୍ରାହିମର ଏହି ଦ୍ୱିତୀୟ ପତ୍ନୀ ପାକିସ୍ତାନର ଜଣେ ପଠାନ ପରିବାରର । ଅଲୀଶାହ ଇବ୍ରାହିମ ଦାଉଦର ଭଉଣୀ ହସୀନା ପାରକରଙ୍କ ପୁଅ । ଦାଉଦଙ୍କ ଭଣଜା ଅଲୀଶାହ ଏନଆଇୁ ପଚରାଉଚରା ସମୟରେ କହିଛି ଯେ, ଡନ୍ ଦାଉଦ ଇବ୍ରାହିମ୍ ପାକିସ୍ତାନ କରାଚୀର ଡିଫେନ୍ସ ଏରିଆରେ ଲୁଚିଛି ଏବଂ ସେ ଦ୍ୱିତୀୟ ବିବାହ କରିଛି । ଏନଆଇଏ ଦାଉଦ ଇବ୍ରାହିମ୍ ଏବଂ ଡି କମ୍ପାନୀ ସହ ଜଡ଼ିତ ମାମଲାରେ ମୁମ୍ବାଇରେ ବଡ଼ ଆକାରରେ କାର୍ଯ୍ୟାନୁଷ୍ଠାନ କରିଥିଲେ । ଏଥିରେ ଅନେକ ଲୋକଙ୍କ ବୟାନ ମଧ୍ୟ ରୁଜୁ ହୋଇଥିଲା ।